Nýtt lúkk

Jæja þá er maður búinn að dunda við það í dag að breyta lúkkinu. Það gekk bara svona helvíti vel og þetta er bara assgoti flott þó ég segi sjálfur frá! Gaman væri nú að heyra ykkar skoðun á þessu.

Eru menn mállausir!?

Er til of mikils mælst að menn kvitti fyrir sig þegar þeir lesa hjá manni skrifin! Ekki gaman að skrifa og skrifa og fá ekki eitt comment! Endilega vera dugleg að kommenta!

Bölvaðir letihaugar og hananú!

Í gær sneru Alþingismenn loks til vinnu eftir sumarfrí sem toppar jafnvel grunnskólakrakkana! Þetta letipakk sem varla nennir að mæta í vinnuna á venjulegum degi þarf heilan mánuð til að jafna sig eftir erfiðið! Sveiattann segi ég! Þetta sjálftökulið þarna á hinu "háa Alþingi" ætti að fara að mæta til vinnu eins og allt eðlilegt fólk í staðinn fyrir að hanga í fríi lon og don! Sjálfur er ég reyndar skráður sem öryrki og vinn ekki handtak en það er ekki til umræðu hér! Þetta skítapakk ætti bara að skammast sín!

Andskotans pakk!

Ég held ég sé að verða eitthvað slappur! Ég hóstaði heiftarlega áðan og er búinn að vera með rífandi hausverk síðan! Ég sé ekkert með öðru auganu og get ekki hreyft vinstri handlegginn! Þetta er allt þessu siðlausa pakki að kenna sem maður er alltaf að æsa sig útaf! Ekki furða að maður sé orðinn öryrki!

Helvítis skaup!

Mér fannst áramótaskaupið rosalega leiðinlegt! Það fer ótrúlega mikið í taugarnar á mér að mér hafi ekki fundist það fyndið! Það fer eiginlega enn meira í taugarnar á mér að öðrum skuli finnast það fyndið þegar mér fannst það ekki fyndið! Ég held ég sé komin með of háan blóðþrýsting útaf þessu! Andskotans siðlausa pakk! Af hverju eru allir svona vondir og siðlausir nema ég ??!

Fyrsta bloggfærsla

Þessi færsla er búin til af kerfinu þegar notandi er stofnaður. Henni má eyða eða breyta að vild.